Регистрация пассажиров

Ұшып келетін және ұшып кететін жолаушыларға арналған ақпарат

Ұшатын жолаушыларға қызмет көрсету

Жолаушы тасымалдауға әуекомпания немесе уәкілетті агент берген жарамды қағаз билетті немесе электрондық билетті ресімдеу кезінде жіберіледі.

Әуежайда ұшатын жолаушылар рейстерге тіркеледі, багажды тапсырады және ұшу алдындағы тексеруден өтеді. Барлық бақылаулардан өту үшін алдын ала келуді ұсынамыз.

Ұшып шығатын жолаушыларды әуежайда тіркеу әуе кемесінің халықаралық рейстерде ұшуына дейін екі сағаттан кешіктірілмей және әуе кемесінің ішкі рейстерде ұшуына дейін 1,5 сағаттан кешіктірілмей басталады және әуе кемесінің ұшуына дейін 40 минут бұрын аяқталады.

Ұшып шығатын жолаушылардың билеттерін тіркеу және багажын ресімдеу ішкі және халықаралық ұшып шығу залындағы тағандарда, сондай-ақ CIP/VIP залда жүргізіледі.

Тіркеу мерзімдері немесе Қазақстан Республикасы визасының қолданылу мерзімдері өткен жолаушылар халықаралық жол жүретін әуе кемесі ұшқанға дейін 8 сағат бұрын шекаралық және кедендік бақылаудан өтеді.

Сүйемелденбейтін бала

Жалғыз жүрген жолаушы баланың билетін тіркеу баланың жеке басын куәландыратын құжатты көрсеткен кезде жүзеге асырылады.

Еріп жүретін адамдары жоқ кәмелетке толмаған жолаушылар ретінде 6 жастан 16 жасқа дейінгі балалар ішкі және халықаралық рейстерде тасымалданады, олар ата–анасыз және жолаушылардың біреуіне тапсырылмайды.

Еріп жүретін адамдары жоқ кәмелетке толмағандар «Қазақстан Республикасындағы Баланың құқықтары туралы» 2002 жылғы 8 тамыздағы Қазақстан Республикасы Заңының 36-бабының 5-тармағына сәйкес сағат 23-тен таңғы 6-ға дейін тасымалдауға қабылданбайды.

6 жасқа дейінгі кәмелетке толмаған жолаушылар тек кәмелетке толған жолаушының алып жүруімен ғана тасымалданады.

Егер Қазақстан Республикасының кәмелетке толмаған азаматы Қазақстан Республикасынан еріп жүретін адамсыз шығатын болса, оның өзімен бірге паспорттан басқа, Қазақстан Республикасының кәмелетке толмаған азаматының шығу мерзімін және өзі баруға ниет білдірген мемлекетті (мемлекеттерді) көрсете отырып, шығуына ата-аналарының, асырап алушыларының, қорғаншыларының немесе қамқоршыларының нотариалды түрде ресімделген келісімі болуы қажет.

Ауру жолаушылар

Ауру жолаушыларды әуежайдың медицина қызметкерлері әуе кемесіне дейін алып жүреді.

Ауру жолаушыларға қызмет көрсету кезінде уәкілетті агент авиабилеттің және жолаушыларды тасымалдау шарттарына қойылатын арнайы талаптарды көрсете отырып, әуе көлігімен тасымалдауға рұқсаты бар медициналық қорытындының болуын тексереді, содан кейін медициналық қорытындыда көрсетілген тасымалдау құжаттарын, медициналық төсемді және қажетті жабдықты ресімдейді.

Жүкті жолаушы

Жүкті жолаушыларға қызмет көрсету кезінде рейстің уәкілетті агенті авиабилеттің, айырбастау картасының (жүктіліктің кез келген мерзімі кезінде) және бір ұрықты жүктілік кезінде жиырма екіден отыз төрт аптаға дейінгі және көп ұрықты жүктілік кезінде отыз екі аптадан аспайтын жүктілік мерзімі мен жүкті жолаушылар үшін денсаулық жағдайы туралы медициналық ұйымның оны әуе көлігімен тасымалдауға рұқсаты бар анықтамасын тексереді.

Бір ұрықты жүктілік кезінде жүктілік мерзімі 34 аптадан асатын, ал көп ұрықты жүктілік кезінде – 32 аптадан аспайтын жүкті әйелдер «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген (Нормативтік құқықтық актілерді мемлекеттік тіркеу тізілімінде № 6697 болып тіркелген) өз денсаулығының жай-күйі туралы № 035-1/у бекітілген нысан бойынша дәрігерлік-консультациялық комиссияның қорытындысын ұсынады, және нысанды медициналық ұйыммен ресімдеуден тасымалдау басталғанға дейін кемінде күнтізбелік 30 күн бұрын рұқсат етіледі.

Медициналық қорытындыда жүктілік мерзімі көрсетіледі және жүктіліктің асқынусыз өтетіні туралы растау беріледі.

Халықтың қауқары аз топтарына жататын жолаушыларға қызмет көрсету

PRMs қатарындағы жолаушыларға қызмет көрсетуді уәкілетті агент әуежайда халықтың қауқары аз топтарына (PRM – Persons with Reduced Mobility) жататын жолаушыларға қызмет көрсету стандарттарының ережелеріне сәйкес жүзеге асырады және мынадай тәртіпті көздейді:

1. көзі нашар көретін және жетелеуші иттің ілесіп жүруімен мүгедектігі бар жолаушыны тіркеу;
2. жүріп-тұру мүмкіндігі шектеулі адамдарды тасымалдау кезінде әуекомпанияның (әуежайдың) өкілі тіркеу желісі бойынша рәсімдер жүргізілгеннен кейін оларды әуе кемесіне (нен) ертіп жүреді және құжаттармен бірге оны (оларды) тікелей экипажға береді;
3. уәкілетті агент шекаралық, кедендік бақылаудан және ресімдеудің басқа да рәсімдерінен өтуге көмек көрсетеді;
4. PRMs қатарындағы жолаушыларды әуе кемесіне отырғызуды әуежай өкілі бірінші кезекте жолаушылардың негізгі бөлігінің отырғызылуын хабарлағанға дейін және әуе кемесінен түсіруді соңғы кезекте жүргізеді;
5. кресло-арбаны пайдаланатын адамдарды тасымалдау кезінде әуекомпанияның/әуежайдың өкілі әуе кемесінің салонында тасымалдауға арналған арнайы креслоны ұсынады.

Ұшып келетін ауру жолаушыларды әуежайдың медицина қызметкерлері медициналық пунктке дейін алып жүреді.

Ұшу алдындағы тексеру

Ұшу алдындағы тексеруде барлық жолаушылар мен олардың қол жүгі тексеріледі. Тасымалдауға тыйым салынған заттар тәркіленеді.

Назар аударыңыз: қолмен тігу және кесу заттарын, көлемі 100 мл-ден асатын қаптамадағы сұйықтықтарды, бір адамға бір литрден артық сұйықтықты алуға болмайды. Тыйым салынған заттардың толық тізбесі «Қауіпті заттар мен заттардың, сондай-ақ жолаушыларға азаматтық әуе кемелерінде тасымалдауға тыйым салынған есірткінің барлық түрлерінің тізбесін бекіту туралы» Қазақстан Республикасы Үкіметінің 2011 жылғы 31 наурыздағы № 317 қаулысында көрсетілген.

Тексеруде:

• Сыртқы киімдерді, сағаттарды, металл әшекейлерді алыңыз.
• Егер әуежайды тексеру қызметінің қызметкерлері сұраса, белбеу мен биік өкшелі аяқ киімді шешуге дайындалыңыз.
• Қалтаңыздан металл заттар мен электронды құрылғыларды салыңыз.
• Барлығын науаға салыңыз да, оны интроскоп таспасына салыңыз.
• Сұйықтықтар мен электронды құрылғыларды бөлек қойыңыз.